З 14 красавіка па 21 мая 2017 года ў музеі працавала незвычайная выстава «Атлантыда. Мігатлівыя скарбы Ёнагуні».
Дадзеная выстава — аўтарскі праект прадстаўніка Цэнтра культуры і спорта Японіі «Дзэнрын канкэй» («Добрасуседства») у краінах СНД, даследніка японскай культуры Уладзіслава Фаміна-Асака. На выставе былі прадстаўлены экспанаты з яго прыватнай калекцыі, прывезеныя з Японіі, Папуа-Новай Гвінеі, Гватэмалы і Шры-Ланкі. Экспазіцыя стваралася з удзелам Алены Толабавай, дацэнта кафедры дызайну ВГТУ, члена Саюза мастакоў, удзельніцы міжнародных выстаў і пленэраў.
У выстаўнай зале музея наведнікі змаглі ўбачыць фантастычную інтэрпрэтацыю адной з «Атлантыд», якая была адкрыта ў 1986 годзе ў Японскім моры — падводны горад Ёнагуні.
Японская варыяцыя ўсім вядомага згубленага падводнага свету была паскрыта ў экспазіцыі праз фігуры міфалагічных персанажаў усходняга эпасу і адмыслова падрыхтаваныя дэкарацыі, што ствараюць эфект марскога дна. Усе экспанаты апрацаваны адмысловымі сумесямі фарбаў, што надае ім маляўнічае мігаценне. На выставе можна было ўбачыць старажытны «мабільнік» папуасаў, маскі з Гватэмалы, сланоў з ружовага і жалезнага дрэва і многае іншае.